Domingo 8 de xaneiro: O BAUTISMO DO SEÑOR (Mc 1, 7-11)

SANTO EVANXEO SEGUNDO MARCOS

 Naquel tempo, Xoán proclamaba:

‑ Detrás miña está a chegar o que é máis forte ca min, perante quen non son digno de prostrarme para lle desata‑los amallós do seu calzado. Eu bauticeivos con auga, pero el havos bautizar no Espírito Santo.

E aconteceu por aqueles días que chegou Xesús desde Nazaret de Galilea, e Xoán bautizouno no Xordán.

E de seguida, mentres saía da auga, viu abrirse o ceo e baixar sobre el, coma unha pomba, o Espírito Santo. E unha voz deixouse oír desde o ceo:

‑ Ti e-lo meu fillo benquerido, o meu predilecto.