Emotiva e concorrida celebración ecuménica

      O día 25 de xaneiro, na nova igrexa parroquial dos Santos Anxos, pouco máis abaixo da Estación de Autobuses, un bo número de participantes asistimos emocionados á Celebración Ecuménica  da Semana de Oración pola unidade dos cristiáns.

      Tivemos a oportunidade de compartir a Palabra de Deus e a oración con cristiáns non católicos moi representativos: pastores e ministros ordenados das igrexas evanxélicas de Oleiros e Ribeira; da igrexa reformada episcopal da Coruña, da Igrexa Ortodoxa rumana, e con eles fixemos a profesión de fe, o credo común, e con eles oramos coa oración do Señor, o Nosopai. Felicitamos ao Delegado Diocesano de Ecumenismo e ao Grupo de Animación Ecuménica da nosa cidade.