Día 1 de xaneiro - Santa Nai de Deus - Xornada Mundial pola paz

LECTURA DO SANTO EVANXEO SEGUNDO LUCAS  (Lc 2, 16-21)

 Naquel tempo, os pastores foron correndo, e atoparon a María e mais a Xosé, e o neno deitado na manxadoira. Ó que o viron, contaron todo o que lles dixeran do meniño aquel.

E cantos o oíron, quedaron pasmados do que os pastores lles dixeron.

María, que trataba de comprender, conservaba todas estas cousas no seu corazón.

E os pastores volveron, glorificando e loando a Deus por canto oíran e viran, todo como lles fora anunciado.

         Ós oito días tocaba circuncida‑lo neno e puxéronlle de nome Xesús, tal como o chamara o anxo antes da súa concepción.