A parroquia

Somos a parroquia católica do barrio do mesmo nome na Coruña, España, arquidiocese de Santiago de Compostela. Estamos situados no tramo medio da Avenida de Fisterra e das rúas que a cruzan: Cidade de Lugo, Palomar, Paseo das Pontes, e os bloques de rúas en torno a Vista Alegre e mais ao viaducto da Ronda de Nelle, zona da Agra do Orzán ata a Gramela e Praza das Cunchiñas.

Pertencemos ao Arciprestado de Riazor na zona pastoral da Coruña. Estamos entre o Parque de Santa Margarida coa súa Casa das Ciencias e a zona verde do Paseo das Pontes. A nosa igrexa parroquial ubícase no número 156 da Avenida de Fisterra.

27 dic 2012

O belen parroquial 2012. Galería de imaxes


O Belén parroquial inclúe este ano, ademais da imprescindible escena do portal de Belén, o nacemento do Señor, a serie de "misterios gozosos" que prepararon e seguiron aquel momento central da historia humana en que Deus planta a súa tenda no medio de nós, faise un de nós na carne estremecida e fráxil de Xesús recén nacido. 

 Todo empezara en Nazaret, cando Gabriel lle anunciou a María que Deus desexaba contar con ela para facerse home. Ela deu o seu si.
Por orde do Imperio Romano María e Xosé tiveron que desprazarse a  Belén para  cumprir coa orde de se censaren alí.
Non había sitio na pousada e a  María chegoulle a hora do parto. 
Acolléronse onde puideron. Naceu o Neno e acomodárono na comedeira dos animais
A vida arredor seguía coma sempre. As xentes acudían ao seu labor...
Uns pastores que gardaban de noite os seus rabaños recibiron  do ceo o aviso do nacemento  de Xesús
Acudiron axiña a Belén e atoparon todo como o anxo lles dixera.






Estraños personaxes desde Oriente tamén viñan cara a Belén preguntando por un neno que nacera e que ía ser  rei
Traían ricos e fermosos presentes para el.





No  mundo a inmensa maioría da xente, tan necesitada de esperanza, era allea ao gran acontecemento. Coma hoxe...

Moitas persoas festexan o Nadal e ignoran a aquel que naceu en Belén






Cumprido o tempo fixado na Lei, María e mais Xosé presentaron o neno no Templo. Os anciáns Simeón e Ana esperaban aquel momento...
Informados polos magos, María e Xosé fuxiron a Exipto para evitar que Herodes puidese darlle morte ao neno.  Alí viviron, esperando con ansia o momento de poder volver a Israel, a ´sua terra. 

"QUIERO VER" . EVANXEO DA SAGRADA FAMILIA

Domingo despois do Nadal, a Sagrada Familia

7 dic 2012

CÁRITAS - RECOLLIDA DE XOGUETES

   As Cáritas parroquiais da Coruña, coordinadas pola Cáritas Interparroquial, promoven unha campaña de recollidas de xoguetes, para que o Neno Xesús, Papá  Noel e mais os Reis Magos non se esquezan -como xa ten pasado en anos anteriores-  das familias e dos nenos que Cáritas vén atendendo gracias ás colectas e donativos dos cristiáns coruñeses e de moitas persoas de boa vontade. 
   Os xoguetes xa se entende que han de estar novos e que non deben requerir moito gasto de mantemento. Poñamos nas mans de Xesús os xoguetes que non se usan e que nos sobran. 
Os xoguetes pódense entregar nas parroquias e mais  en Cáritas Interparroquial.

Preparad los caminos - Reflexión de "Quiero ver"

Domingo II de Advento - O anuncio do Bautista