A parroquia

Somos a parroquia católica do barrio do mesmo nome na Coruña, España, arquidiocese de Santiago de Compostela. Estamos situados no tramo medio da Avenida de Fisterra e das rúas que a cruzan: Cidade de Lugo, Palomar, Paseo das Pontes, e os bloques de rúas en torno a Vista Alegre e mais ao viaducto da Ronda de Nelle, zona da Agra do Orzán ata a Gramela e Praza das Cunchiñas.

Pertencemos ao Arciprestado de Riazor na zona pastoral da Coruña. Estamos entre o Parque de Santa Margarida coa súa Casa das Ciencias e a zona verde do Paseo das Pontes. A nosa igrexa parroquial ubícase no número 156 da Avenida de Fisterra.

29 dic 2011

BENDICION DE ANO NOVO - Videos de quiero ver

Pincha aquí e moi feliz ano de graza e de paz:
http://www.youtube.com/watch?feature=player_embedded&v=biF0ULg_aTk

Día 1 de xaneiro - Santa Nai de Deus - Xornada Mundial pola paz

LECTURA DO SANTO EVANXEO SEGUNDO LUCAS  (Lc 2, 16-21)
 Naquel tempo, os pastores foron correndo, e atoparon a María e mais a Xosé, e o neno deitado na manxadoira. Ó que o viron, contaron todo o que lles dixeran do meniño aquel.
E cantos o oíron, quedaron pasmados do que os pastores lles dixeron.
María, que trataba de comprender, conservaba todas estas cousas no seu corazón.
E os pastores volveron, glorificando e loando a Deus por canto oíran e viran, todo como lles fora anunciado.
         Ós oito días tocaba circuncida‑lo neno e puxéronlle de nome Xesús, tal como o chamara o anxo antes da súa concepción.

27 dic 2011

.Parece que non, pero si. Estatisticas do blog parroquial

Pensabamos que o noso blog non lles interesaba aos internautas, nin  sequera aos da parroquia. Non sentimos o paso polo noso blog das persoas que o visitan. Non deixan comentarios, que é a maneira de dicir "estiven aquí e, ao ler o blog, pensei isto". Nada, silencio. Non hai comentarios. 
Pero botando unha ollada ás estatísticas que Blogger ofrece aos seus usuarios resulta que no último mes (novembro) o blog foi visitado 464 veces. E desde que se creou, as visitas totais foron 1781. A maioría proceden de España, pero tamén hai de Alemaña (57), Estados Unidos (38),  Rusia (38), Colombia, Arxentina, Chile e Italia. 
Está por saber cantos dos visitantes son fregueses ou veciños de Santa Margarida. 
A estatística anímanos a seguir aquí, deixando constancia do labor dos membros da comunidade parroquial ao servizo do evanxeo de Xesucristo.

25 dic 2011

Lotería de Nadal - Participacións premiadas do 99311

As participacións da parroquia na Lotería de Nadal,  de 2,50 € cada unha, pasaron a ter un valor de 12,50.
A partir do martes, día 27, pódense facer efectivas en calquera das oficinas de Novagalicia Banco, antigas Caixa Galicia e Novacaixa. 
A todos os que deciden deixar o premio ou parte del para axuda da parroquia, moitísimas grazas. 
A parroquia distribuíu  en total 7200 euros de Lotería. Co premio pasaron a valer 36000 euros. 

24 dic 2011

"Quiero ver" - Comentario do evanxeo en imaxes - Nadal 2011

Outra maneira de "ler" o evanxeo. Pincha. Agradeceralo.
http://www.youtube.com/watch?feature=player_embedded&v=Qrw8HexUyhQ

O NADAL DO SEÑOR (25/12/11)

LECTURA DO SANTO EVANXEO SEGUNDO XOÁN 
(1,1-5. 9-149

No principio existía a Palabra, e a Palabra estaba onda Deus, e a Palabra era Deus.Ela estaba no principio onda Deus.Todo foi feito por ela, e sen ela non se fixo nada do que foi feito.
Nela estaba a vida, e a vida era a luz dos homes; a luz aluma na tebra, e a tebra non a deu apagado. A Palabra era a verdadeira luz que aluma a todo home que vén a este mundo.
Ela estaba no mundo, e o mundo foi feito por ela, pero o mundo non a recoñeceu.
Veu á súa propiedade, e os seus non a acolleron.
Pero a cantos a  recibiron, ‑ós que cren no seu nome‑ déulle-lo poder de seren fillos de Deus.  

Estes, non naceron do sangue, nin da vontade da carne, nin da vontade do home, senón de Deus.
E a Palabra fíxose carne, e plantou entre nós a súa tenda, e nós vímo-la súa gloria, gloria coma de Unixénito que vén do Pai, cheo de gracia e de verdade.

19 dic 2011

O BELÉN PARROQUIAL - Instalador: Luís Nogueira


   O belén parroquial ocupa dentro da igrexa unha superficie de 25 metros cadrados. Podemos admirar nel algunhas figuras e instalacións dotadas de movemento; podemos admirar o agarimo posto na representación de árbores, arbustos, froitos do campo; podemos admirar ambientes, edificios e vivendas, case todos saídos da man habelenciosa de Luís Nogueira, o noso belenista.






   Pero o máis notable do noso belén reside nos seus contidos. 




     O centro, como é lóxico, é o portal de Belén onde se representa o nacemento de Xesús; cerca deste vemos o anuncio aos pastores e no camiño os magos que lle van render homenaxe. Nisto o belén parroquial é coma todos.










 O máis notable está noutras escenas complementarias do acontecemento. Así, por exemplo, a escena da Anunciación a María, a Visitación de María á suá curmá Isabel, o censo que provoca a presenza de Xosé e María en Belén, a Presentación de Xesús no templo de Xerusalén, e incluso a Fuxida a Exipto para eludir a persecución de Herodes.






 Estas escenas fan que o belén parroquial se axuste mais literalmente aos relatos evanxélicos de Mateo e Lucas, e promove unha narración máis  completa dos mesmos.















































   
   







16 dic 2011

Sacerdote diocesano nomeado bispo de Ourense.

Na imaxe vemos a D. Julián, o arcebispo de Santiago, e a D. Leonardo Lemos Montanet, designado bispo de Ourense  polo Papa Bieito XVI, nun momento da rolda de prensa na catedral, o venres día 16,  ao mediodía.
 D. Leonardo Lemos Montanet era profesor do Instituto Teolóxico Compostelán, no que exerceu diversos cargos, actualmente tamén era Director Técnico do Seminario Menor de Santiago e coengo da catedral.
 Omnia in caritate é o lema episcopal do novo bispo. Significa literalmente "todo con amor".Está inspirado no lema episcopal do tamén arcebispo compostelán cardeal Quiroga, de quen D. Leonardo é biógrafo.
¡Moitas felicidades, D. Leonardo! ¡Que o Señor o guíe na nova tarefa encomendada!

           Pincha aquí : http://www.youtube.com/watch?v=LdaIfxnZT4w&feature=player_embedded

15 dic 2011

Día 20, martes: CELEBRACIÓN DO PERDÓN (19,30 h.)

Como María, coma Xoán o Bautista, tamén nós preparamos unha hospedaxe para o Señor que vén no Nadal: o noso corazón. Será unha morada pobre pero limpa; austera pero confortable; pequena pero cálida e acolledora. Estamos convocados para que  Xesús encontre sitio na nosa pousada.
Coa penitencia compartida e celebrada en comuñón e fraternidade, expresamos a nosa debilidade persoal e agradecemos o perdón de Deus que nos chega por medio da Igrexa.
Trátase de prender as nosas lámpadas, como facemos coa coroa do advento, pero decatándonos do que iso significa: brillar coa luz do amor de Deus, coa candea da súa misericordia, para sermos testemuñas da súa luz. Que na nosa vecindade todos poidan ver, nos cristiáns,  a luz  que sinala o camiño cara a Cristo recén nacido.
A celebración do perdón vai seguida da Eucaristía habitual.

Unha perspectiva orixinal. " Se destapa" : 4º Domingo de Adviento

Este domingo "Quiero ver" céntrase na 1ª lectura do día.  Deus anda procurando casa. Non será David quen lla faga. No evanxeo, María acepta ser "casa de Deus", "morada do Altísimo". Pincha neste enlace:
http://www.youtube.com/watch?feature=player_embedded&v=B1vHPV93Y4s

DOMINGO IV DE ADVENTO - SANTO EVANXEO SEGUNDO LUCAS (Lc 1, 26-38)

Naquel tempo, Deus mandou o anxo Gabriel a unha cidade de Galilea, chamada Nazaret, onda unha virxe prometida a un home da casa de David, que se chamaba Xosé. O nome da virxe era María.
O anxo entrou onde estaba ela, e díxolle:
‑ Alégrate, chea de gracia, o Señor está contigo.
Ela turbouse con estas palabras e cavilaba no que podería significa‑lo saúdo aquel. Díxolle entón o anxo:
‑ Non teñas medo, María, porque acadaches gracia ante Deus. Velaí que vas concibir no teu ventre e dar á luz un fillo, ó que lle poñerás de nome Xesús. El será grande e chamarase Fillo do Altísimo, e o Señor Deus daralle o trono de David, seu pai; reinará por sempre na casa de Xacob, e o seu reinado non terá fin.
Díxolle María ó anxo:
‑ ¿Como vai acontecer iso, pois eu non coñezo varón?
O anxo respondeulle:
‑ O Espírito Santo ha de baixar sobre ti, e o poder do Altísimo hate de cubrir coa súa sombra; por iso o que vai nacer de ti será santo e chamarase Fillo de Deus. Aí te‑la túa curmá Isabel, que concibiu un fillo na súa vellez, e xa está de seis meses a que chamaban estéril, que para Deus non hai imposibles.
Entón María dixo:
‑ Velaquí a escrava do Señor, cúmprase en min o que dixe­ches.
E o anxo marchou de onda ela.
            Palabra do Señor / Loámoste, Cristo

9 dic 2011

DOMINGO III DE ADVENTO - Evanxeo Xoán 1, 6-8. 19-28

Houbo un home mandado por Deus: o seu nome era Xoán.
Este veu de testemuña para dar testemuño da luz, para que todos cresen por el.
Non era el a luz, senón que veu para dar testemuño da luz.
E este é o testemuño de Xoán cando os xudeus lle mandaron de Xerusalén sacerdotes e levitas onda el, para lle preguntar:
‑ ¿Ti quen es?
El declarou e non negou. Declarou:
‑ Eu non son o Cristo.
Preguntáronlle:
‑ Entón ¿quen es ti? ¿Es Elías?
Contestou:
‑ Non son.
‑ ¿E-lo profeta?
Respondeu:
‑ Non.
Daquela dixéronlle:
‑ ¿E, logo, quen es? Para que lles poidamos dar unha resposta ós que nos mandaron. ¿Que dis de ti mesmo?
El dicía:
‑ Eu son a voz do que clama no deserto, "endereitade o camiño do Señor" (como escribira o profeta Isaías).
Algúns dos mandados eran fariseos e preguntáronlle:
‑ Entón ¿por que bautizas, se non es ti o Cristo nin Elías nin o profeta?
Xoán respondeulles:
‑ Eu bautizo con auga; mais entre vós está quen vós non coñecedes; o que vén detrás miña e eu non son merecente de lle desata-lo amalló da sandalia.
Todo isto pasou en Betania, pola outra banda do Xordán, onde estaba Xoán bautizando.

7 dic 2011

Campaña de Cáritas de Nadal

No día da Inmaculada Cáritas Interparroquial e as cáritas parroquiais da cidade empezan a súa Campaña especial de Nadal.
Cáritas de Santa Margarida agradece que os donativos sexan en metálico. Os alimentos xa chegan ás familias grazas ao labor do Banco de Alimentos, en estreita colaboración cos voluntarios de Cáritas. A dispoñibilidade de cartos facilita a eficacia das axudas e para as familias non deterioradas é máis digno decidir eles o que necesitan e non que persoas alleas, aínda con boa intención, decidan por eles. Iso si, sempre coas cautelas e garantías pertinentes fronte aos posibles enganos e pillerías,
No domingo primeiro, a colecta das misas foi superior ao normal: 762, 56 euros.
O Señor bendí a aqueles que o recoñecen nos pobres.

INMACULADA CONCEPCIÓN - EVANGELIO (Lc 1, 26-38)

   Lectura del santo Evangelio según San Lucas.
   El ángel Gabriel fue enviado por Dios a una ciudad de galilea llamada Nazaret, a una virgen desposada con un hombre llamado José,  de la estirpe de David; la virgen se llamaba María.
   El ángel, entrando en su presencia, dijo: Alégrate, llena de gracias, el  Señor esta contigo; bendita tú eres entre todas las mujeres.
    Ella se turbó ante estas palabras y se preguntaba qué  saludo era aquel.
    El ángel le dijo: No temas, María,  porque has encontrado gracia ante Dios. Concebirás en tu vientre y darás a luz un hijo, y le pondrás por nombre Jesús. Será grande, se llamará Hijo del Altísimo, el Señor Dios le dará el trono de David, su padre, reinará sobre la casa de Jacob para siempre, y su reino no tendrá fin.
    Y María dijo al ángel: Cómo será eso, pues no conozco a varón?
    El ángel le contestó:  El Espíritu Santo vendrá sobre ti,  y la fuerza del Altísimo te cubrirá con su sombra; por eso el Santo que va a nacer se llamará Hijo de Dios. Ahí tienes a tu pariente Isabel, que, a pesar de su vejez, ha concebido un hijo, y ya está de seis meses la que llamaban estéril, porque para Dios nada hay imposible.
María contestó: Aquí está la esclava del Señor; hágase en mí según tu palabra.
Y la dejó el ángel.

NUEVO DIÁCONO PERMANENTE: RAFAEL CASÁS SALGADO

Vigilia Coruna_2011_0052 El próximo diácono permanente de la diócesis de Santiago es Rafael Casás Salgado, casado, padre de un niño y de una niña, profesor del colegio de las Calasancias, en A Coruña, acompañante de grupos juveniles en la parroquia de San Antonio, profesor y colaborador del Centro de Formación Teológica de Seglares en su sede coruñesa del Hogar de Santa Margarita, actual secretario del Consejo Diocesano de Pastoral, miembro de la Delegación Diocesana de Liturgia,  diligente colaborador de la Delegación de de Apostolado Seglar. Y seguro que nos olvidamos algo. En la imagen vemos a Rafael abriendo la procesión de entrada de la Vigilia Mariana de Adviento del pasado 5 de diciembre (Foto: Miguel Castaño)
La ordenación será en San Antonio (Av. Fisterra 256) el día 22 de diciembre a las ocho de la tarde. La fecha es también significativa pues es el aniversario  de la creación de la parroquia de San Antonio.  A Rafael, a Lucy su esposa, a la comunidad parroquial de San Antonio, la enhorabuena y el gozo de compartir con ellos esta buena noticia.

3 dic 2011

Presentación do libro "Templos coruñeses" de Carlos García Cortés

O xoves, día 1 de decembro, na igrexa parroquial de San Jorge, na Coruña, tivo lugar a presentación do libro "Templos coruñeses. Historia, arte, culto". O autor, Carlos García Cortés , teólogo e historiador, conforme el mesmo confesou, ao dar constancia das orixes e razóns de cada unha das igrexas da Coruña, vai tecendo a "intrahistoria eclesial" da nosa cidade desde moito antes do século XIII, ano en que foi levantada a igrexa parroquial de Santiago, ata o presente. Neste mesmo ano 2011 foi inaugurada a igrexa parroquial dos Santos Anxos, en Elviña.


Na fotografía vemos, de esquerda á dereita, o autor, o Vigairo territorial, o arcebispo, o párroco de San Jorge, a D. Andrés e o editor do libro.

"QUIERO VER" - Comentario ao evanxeo deste domingo

Pincha aquío e verás un comentario audiovisual do evanxeo deste Domingo II de Advento
http://www.youtube.com/watch?v=oYAxLpoWd8c

DOMINGO II DE ADVENTO - SANTO EVANXEO SEGUNDO MARCOS ( Mc 1, 1-8)

            Comezo do Evanxeo de Xesús Cristo Fillo de Deus.
           
            Como está escrito no profeta Isaías:
            "Mira, mándoche por diante un mensaxeiro, para que prepare o teu camiño;
            voz de quen clama no deserto: "Preparade o camiño do Señor,
            endereitade os seus vieiros".
            Presentouse Xoán Bautista no deserto, pregoando un bautismo de conversión para perdón dos pecados. E ía onda el xente de toda a rexión de Xudea e todos os de Xerusalén; confesaban os seus peca­dos e el bautizábaos no río Xordán.
            Xoán ía vestido con pelos de camelo e cun cinguideiro de coiro arredor do van, e mantíñase de saltóns e mel bravo.

            E proclamaba:
            ‑ Detrás miña está a chegar o que é máis forte ca min, diante de quen non son digno de prostrarme para lle desatas os amallós do seu calzado. Eu bauticeivos con auga, pero el havos bautizar no Espírito Santo.
           
            Palabra do Señor                                         
            R/. Loámoste, Cristo

27 nov 2011

"Quiero ver" - O evanxeo en imaxes

Pincha aquí, aplicación concreta do evanxeo do Domingo I Advento
http://www.youtube.com/watch?v=6g5vVNXhO2M&feature=player_embedded

DOMINGO I ADVENTO (B) : SANTO EVANXEO SEGUNDO MARCOS (13, 33-37

Naquel tempo, díxolles Xesús ós seus discípulos:
Estade á espreita e atentos, que non sabedes cando será o momento.

É coma un home que foi ó estranxeiro, deixando a casa e  maila facenda nas mans dos seus criados, encargándolles a  cada un o que tiña que facer; e ó porteiro ordenoulle que velase.
Vixiade vós, polo tanto, pois non sabedes cando chegará o amo da casa: se á tardiña ou con noite pecha, se co canto do galo ou no amencer. Non vaia ser que chegue de repente, e vos atope durmindo.
E o que vos digo a vós, tamén llelo digo a todos: ¡Estade en vela!
                                                                                                              Palabra do Señor

19 nov 2011

"Quiero ver" - Comentario do evanxeo en imaxes

Pincha e disfruta deste comentario en imaxes:
http://www.youtube.com/watch?feature=player_embedded&v=KPTwy_9n6zE

FESTA DE XESUCRISTO REI - SANTO EVANXEO SEGUNDO MATEO (25, 31-46)

Naquel tempo, díxolles Xesús ós seus discípulos: Cando veña o Fillo do Home na súa gloria e tódolos anxos con el, sentará no seu trono glorioso. Diante del xuntaranse tódalas nacións; e separará uns dos outros, como xebra o pastor as ovellas das cabras. E poñerá as ovellas á súa dereita, e as cabras á súa esquerda.
Entón dirá o Rei ós da súa dereita:
‑ Vinde, benditos do meu Pai, recibide a herdanza do reino preparado para vós desde a creación do mundo. Porque tiven fame, e déstesme de comer; tiven sede, e déstesme de beber; fun foras­teiro, e acolléstesme; estiven en coiro, e vestístesme; enfermo, e visitástesme; na cadea, e viñéstesme ver.
Entón preguntaranlle os xustos:
‑ Señor, ¿cando te vimos famento e che demos de comer, ou sedento e che demos de beber? ¿Cando te vimos forasteiro e te acollemos, ou en coiro e te vestimos? ¿Cando te vimos enfermo ou na cadea e te visitamos?
O Rei contestaralles:
‑ Dígovolo de verdade: Canto fixestes cun destes irmáns meus máis pequenos, fixéstelo comigo.
E diralles logo ós da súa esquerda:
‑ Arredade de min, malditos, ide para o lume eterno, prepa­rado para o Satán e para os seus anxos. Porque tiven fame e non me destes de comer; tiven sede e non me destes de beber; fun forasteiro, e non me acollestes; estiven en coiro, e non me vestistes; enfermo e na cadea, e non me visitastes.
Entón tamén eles lle preguntarán:
‑ Señor, ¿cando te vimos famento ou sedento, forasteiro ou en coiro, enfermo ou na cadea, e non che acudimos?
El responderalles:
‑ Dígovolo de verdade: Canto deixastes de facerlle a un destes máis pequenos, deixastes de mo facer a min.
Estes irán ó castigo eterno, e os xustos á vida eterna.
           Palabra do Señor / Loámoste, Cristo

9 nov 2011

DOMINGO XXXIII (A) - SANTO EVANXEO SEGUNDO MATEO (25, 14-15. 19-219

Naquel tempo, díxolles Xesús ós seus discípulos esta parábo­la:
- Un home que ía saír de viaxe, chamou polos seus criados e entregoulle‑los seus bens. A un deulle cinco talentos, a outro dous e a outro un; a cadaquén segundo a súa capacidade. Despois marchou.
Ó cabo de moito tempo chegou o amo daqueles criados, pedín­dolles contas.
Achegouse o que recibira cinco talentos e presentou outros cinco, dicindo: "Señor, cinco talentos me entregaches; velaquí outros cinco que gañei".
Díxolle o seu amo: "Moi ben, criado fiel e cumpridor. Xa que fuches fiel no pouco, poñereite á fronte do moito. Pasa a gozar da festa do teu amo".
                                                                                                              Palabra do Señor

27 oct 2011

VIII Semana de la familia - A Coruña, 8 al 12 de noviembre de 2011

Organizan: Parroquias de A Coruña con el apoyo del Arzobispado de Santiago de Compostela a través de la Delegación de Pastoral Familiar.

Sede: día 8 Salón de Actos ITE Caixa Galicia. Rda. De Nelle, 31.
Días 9, 10 y 11 Auditorio Sede Fundación Caixa Galicia A Coruña. Cantón Grande.

Lema:   "La familia a la escucha de la Palabra de Dios".

Contenidos:
·       Martes, 8 de Noviembre: 20.30 horas.
"Aportaciones de la Biblia a la vida familiar" .
            Ponente: D. Francisco Javier Martínez Prieto.
Profesor del instituto de Ciencias religiosas San Agustín.
·       Miércoles, 9 de Noviembre: 20.30  horas.
"La presencia de la mujer en las primeras comunidades cristianas.   Ponente: D. José Antonio González García.
                                                         Profesor del Instituto Teológico Compostelano.
·       Jueves, 10 de noviembre: 20.30 horas.
"Familias que responden a la Palabra en la vida. La situación social y la respuesta
cristiana".
Ponente: D. Santiago González AviónFundación Secretariado Gitano.
·       Viernes, 11 de noviembre 20.30  horas.
"La Palabra. Una narración entre Dios y la humanidad".
Ponente: Ana García-Castellano.  (Telar de cuenta-cuentos).
             ·       Sábado , 12 de Noviembre, 20.00 horas.
Eucaristía en la Parroquia de Santa Lucía
Preside el Sr. Arzobispo D. Julián Barrio Barrio.

"Quiero ver", videos para comprender mellor o evanxeo do domingo.

Busca, na columna da esquerda máis abaixo, nos enlaces de WEBS CATÖLICAS  o de Videos de Quiero ver. O Equipo de Eucaristía, da editorial Verbo Divino móstranos outra maneira de comprender a mensaxe do evanxeo do domingo XXXI A.

DOMINGO XXXI (A)) - SANTO EVANXEO SEGUNDO MATEO (23, 1-12)

Naquel tempo, díxolles Xesús ós discípulos e mais á xente:
‑ Na cátedra de Moisés sentaron os letrados e mailos fariseos. Facede, logo, e cumpride canto vos digan, pero non imitéde-la súa conducta porque falan pero non cumpren. Atan fardos pesados e cánganos no lombo dos outros, pero eles nin un dedo poñen para os mover.
Todo o que fan é para que os vexan: vesten aparatosamente, ancheando as filacterias e as franxas dos seus mantos; buscan os primeiros postos nos banquetes e os primeiros asentos nas sinagogas; que lles fagan reverencias nas rúas e que lles chamen "mestre".
‑ Vós non vos fagades chamar "mestre", pois un só é o voso Mestre, e todos vós sodes irmáns. E a ninguén na terra chamedes "pai", porque un só é o voso Pai, o celestial. Nin tampouco vos fagades chamar "guieiro", porque un só é o voso Guieiro, Cristo.
O máis importante entre vós ha de ser servidor voso. Porque quen se enaltece, será humillado, e quen se humilla, será enaltecido.

22 oct 2011

LECTURA DO SANTO EVANXEO SEGUNDO MATEO (Mt 22, 34-40)

Naquel tempo, ó se decataren os fariseos de que Xesús lles tapara a boca ós saduceos, reuníronse onda el, e un deles, doutor da lei, preguntoulle para poñelo a proba:
- Mestre,  ¿cal é na Lei o gran mandamento?
El respondeulle:
- Amara-lo Señor, teu Deus, con todo o teu corazón e con toda a túa alma e con todo o  teu entendemento; este é o mandamento grande e primeiro. O segundo é semellante a el: Amara-lo teu próximo coma a ti mesmo. Destes dous mandamentos dependen a Lei enteira e mailos profetas.

15 oct 2011

O EVANXEO ILUSTRADO - Video de Quiero ver (Equipo Eucaristía de EVD)

Pica neste enlace:    http://www.youtube.com/watch?v=u8_zVLa8smc

Evanxeo do Domingo XXIX do Tempo Ordinario (A) 16/10/2011

Evanxeo segundo Mateo (22,15-22)
Naquel tempo, os fariseos fóronse reunir para veren o xeito de sorprender a Xesús nalgún dito. Así é que lle mandaron algúns discípulos deles con algúns partidarios de Herodes, que lle preguntaron:
‑ Mestre, sabemos que es sincero, que de verdade ensína‑lo camiño de Deus e que non andas con miramentos, pois non reparas na aparencia das persoas. Dinos, logo, ¿que che parece: Está permitido pagarlle o tributo ó Cesar ou non?
Xesús, que lles coñeceu a malicia, contestoulles:
‑ ¿Por que me queredes comprometer, hipócritas? Mostrádeme a moeda do tributo.
Eles presentáronlle un denario. E el preguntoulles:
‑ ¿De quen é esta imaxe e maila inscrición?
Contestáronlle:
‑ Do César.
Entón replicoulles:
‑ Pois logo dádelle ó César o que é do César, e a Deus o que é de Deus.

8 oct 2011

O Evanxeo comentado en imaxes - "Quiero ver" do Equipo de EVD

Pincha no seguinte enlace: http://www.youtube.com/watch?v=U03kZCQGkj8

Evanxeo segundo Mateo (22, 1-14)

             LECTURA DO SANTO EVANXEO SEGUNDO MATEO
 Naquel tempo, Xesús púxose de novo a falarlles en parábolas ós sumos sacerdotes e ós anciáns do pobo:
‑ Parécese o Reino dos Ceos a un rei que celebrou o casamento de seu fillo. Mandou os seus criados ir chamar polos convidados á voda, pero estes non querían ir.
Volveu mandar outros criados, encargándolles: "Dicídelles ós convidados: Mirade que teño preparado o banquete, xa están mortos os becerros e mailos demais animais cebados; todo está disposto: ¡vide á voda!"
            Pero eles, sen lles faceren caso, fóronse: un ás súas leiras, outro ós seus negocios. Os demais botáronse ós criados, maltratáronos e matáronos.
Entón o rei, todo indignado, mandou os seus exércitos, que acabaron cos asasinos aqueles e prendéronlle lume á cidade. E díxolles ós criados: "A voda está preparada, pero os convidados non a merecían. Así que ide ás encrucilladas dos camiños; e a cantos atopedes, convidádeos á voda".
Saíron ós camiños os criados e xuntaron a tódolos que atoparon, bos e malos, enchéndose de convidados a sala da voda.
                                                                                                              Palabra do Señor

1 oct 2011

"Quiero ver" Ilustración do evanxeo do día. Pincha neste enlace:

http://www.youtube.com/watch?v=GDuI8M035XA&noredirect=1

Domingo XXVII A: SANTO EVANXEO SEGUNDO MATEO ( 21, 33-43)

Naquel tempo, díxolles Xesús ós sumos sacerdotes e ós anciáns do pobo:
           ‑  Escoitade outra parábola:
Dunha vez había un propietario que plantou unha viña; rodeouna dunha sebe, cavou nela un lagar e construíu un caseto para o garda. Logo, arrendóullela a uns viñadores e marchou para lonxe.
Cando chegou o tempo da vendima, mandou os seus criados ós viñateiros, para cobra-las rendas. Pero os viñateiros agardáronos, e a un zorregáronlle, a outro matárono e a outro apedrárono. De novo mandou outros criados, máis numerosos; pero tratáronos do mesmo xeito.
Por último, mandóulle-lo seu propio fillo, dicindo para si: "O meu fillo hano respectar". Pero os viñateiros, ó veren o fillo, comentaron: "Este é o herdeiro: veña, matémolo, e a herdanza será nosa". E agarrárono, botárono fóra da viña, e matárono.
‑ Ben, ¿e cando veña o señor da viña, que fará cos viñateiros aqueles?
Respondéronlle:
‑ A eses malvados faraos morrer de mala morte, e arrendarálle-la viña a outros viñateiros, que lle paguen as rendas no seu tempo.
Díxolles entón Xesús:
‑ ¿Seica non lestes nunca na Escritura:
A pedra que desbotaron os canteiros é agora o esquinal:
esa pedra colocouna o Señor, ¡que regalía para nós!?
Por iso dígovos: quitarásevos a vós o Reino de Deus, e daráselle a un pobo que produza bos froitos. 
            
            Palabra do Señor / Loámoste, Cristo.


EMPEZAMOS O CURSO DE CATEQUESE: 2/10/2011

O primeiro domingo de outubro empezamos a Catequese parroquial, que este curso 2011-12 se propón axudarnos especialmente a sentir, escoitar, asumir, remoer no corazón, e vivir a fondo a Palabra do Señor. Escoitar e vivir a Palabra do Señor é o mesmo que aceptar a Cristo na nosa vida, pois El é a Palabra feita carne na nosa historia humana. Este primeiro domingo da catequese ten aires de apertura de curso, de festa, de recoñecemento, de organización de grupos (por iso é tan importante ter cubertos os boletíns de inscricións)


A catequese da parroquia é unha experiencia de amizade, de fraternidade, de unión con Deus e con Cristo. Unha experiencia tamén de gozo fondo no corazón. ¡Benvido curso catequético 2011-12!

21 sept 2011

ASEMBLEA DIOCESANA - 17 DE SETEMBRO 2011

"Señor, Ti tes palabras de vida eterna".
Este é o lema do novo Plano pastoral que se presentou na Asemblea Diocesana que tivo lugar no Pazo de Congresos e Exposicións de Santiago e na que a nosa parroquia estivo tamén representada por un grupo de fregueses. En total reuníronse  co arcebispo máis de oitocentas persoas  procedentes de parroquias, asociacións, movementos  e congregaciones de toda a diocese, convocados para compartir una mesma tarefa común:  "Revalorizar a presenza da Palabra de Deus na pastoral da nosa Igrexa como fonte dunha Nova Evangelización". Así se formulou o obxectivo do novo Plan Pastoral 2011-2014.
Pola mañá, Luís Herrero Mayor e Olga López Míguez reflexionaron sobre: "A evangelización na cultura actual" e  "A Palabra de Deus na pastoral da Igrexa".. Seguidamente houbo unha mesa redonda onde membros de varias delegacións diocesanas mostraron os obxectivos e actividades das súas respectivas áreas pastorais.
Pola tarde, Luís Otero e Eugenio González presentaron o Plano Pastoral e os obxectivos do mesmo, ofrecendo e explicando os diferentes materiais que se publicaron para axudar a levalo a cabo.
Presidiu o arcebispo, D. Julián, que estivo todo o día cos participantes, aos que animou a acoller a Palabra de Deus, gardala no corazón, como María, e anunciala  no nome de Xesús, o Señor.

17 sept 2011

Domingo XXV do Tempo Ordinario - Andres GV

   O evanxeo deste domingo ponnos diante tres temas patentes e moitos outros implíctos.
   Entre os patentes: a traxedia da falta de traballo;  a responsabilidade dos patróns e empresarios en facilitalo; traballar na viña do Señor, isto é, no seu reino,  non é carga senón graza; os dons de Deus non teñen prezo e a súa xustiza non é coma a nosa; a conclusión da parábola: os últimos son os preferidos de Deus (precisamente porque non é coma nós nin exerce a xustiza coma nós).
   Entre os implícitos: o sentido misioneiro e evanxelizador do seguidor de Xesús; onde e do lado de quen nos situamos na historia humana: onde están os nosos “últimos”?; optar por ser último xa, desde agora, para vivir a alegría dun amor que so entende quen ama entre e desde os “últimos”. 

Pincha aquí para seguir pensando coa axuda de "Quiero ver"
 http://www.youtube.com/watch?v=nqjK3Fzullg&feature=player_embedded

8 sept 2011

30 ago 2011

A FESTA DE SANTA MARGARIDA, CONCORRIDA, ANIMADA, GOZOSA

Nesta primeira serie de fotografías vemos diversos momentos da animación que se viviu no adro da igrexa parroquial ao recollerse a procesión pouco despois das dúas da tarde do domingo  28 de agosto.


 Aínda que, por razóns e causas xustificadas,  non puidemos contar cos gaiteiros "nosos", un cuarteto amigo acompañou a procesión e animou as danzas tradicionais no adro. 
Tamén é de aprezar a boa disposición de algunhas freguesas para portar a santa no seu percorrido procesional. Aquí vemos as que fixeron a parte final.


Os nenos e nenas, os que axudaron no altar como acólitos e os que asumiron a honra do "Ramo" tamén aportaron a súa nota de convencemento, alegría e inxenuidade.


E o baile, animoso, participado, expresa ben a alegría e o sentido familiar e fraterno que vai adquirindo a comunidade parroquial e que se vai contaxiando  pouco a pouco aos conveciños e visitantes. 


Vivimos unha gran xornada, en honor e tamén grazas a Santa Margarida, a nosa padroeira. 

27 ago 2011

REPRESENTACIONS DE SANTA MARGARIDA (3)

IMAXE PROCESIONAL DE SANTA MARGARIDA
   A imaxe de Santa Margarida que sae en procesión o día da festa é do mesmo obradoiro cá imaxe "oficial" que se venera no retablo. Esta, a do retablo, polas súas dimensións e peso, non é apropiada para saír a ombros, pois precisaría da forza alomenos de oito persoas para distribuír tanta carga.
Tanto a imaxe grande como a que sae en procesión e que vemos nesta fotografía, mostran a Santa Margarida cos simbolos clásicos da palma, que sostén na man esquerda e indica a súa condición de mártir; da coroa ou guirlanda de flores na cabeza, que indica que era unha virxe, isto é, unha doncela que  fixera voto de castidade e que, polo tanto, tiña como esposo a Cristo; aos pés, aquí oculto polas flores, está derrotado e sometido o dragón infernal, a quen Margarida venceu no cárcere tras terrible loita. A novidade desta representación de Santa Margarida respecto doutras consiste en que sostén na man dereita o libro das Sagradas Escrituras e non aparece a cruz ou crucifixo que, conforme a lenda tradicional,  servira de arma definitiva contra o dragón.. Estas representacións de Santa Margarida que temos na parroquia apuntan á importancia da Palabra de Deus na vida dos santos e á necesidade do cristián actual, se os quere imitar, de coñecer os evanxeos e acudir a eles para iluminar a propia vida conforme a vontade de Cristo. 

24 ago 2011

REPRESENTACIONS DE SANTA MARGARIDA (2)


Esta é a Santa Margarida de Pietro Sorri.(San Gusmé 1556 - Siena 1621),  un pintor italiano activo durante a última época do manierismo.
Residiu en Xénova entre 1596 e 1598, onde foi mestre de Bernardo Strozzi e Giovanni Bernardo Carlone. Na devandita cidade tivo influencia sobre unha nova xeración de pintores genoveses, a quen introduciu nos principios do manierismo. Sorri foi un artista itinerante que traballou en diversos lugares de Italia, aínda que con posterioridade traballaría de novo en Liguria en1612-1613, como o proba o seu Martirio de Santa Lucía na igrexa de Campoligure.
Sorri serviu de exemplo para artistas sieneses máis novos, pois a súa pintura conxuga, sobre todo na súa primeira época, a súa formación sienesa coa influencia de artistas florentinos como Domenico Passignano, que foi o seu sogro, ou a da pintura emiliana de Correggio ou os Carracci.
En España áchanse presentes algunhas obras de Sorri, froito da doazón que Cosme II de Toscana realizou ao Mosteiro das Descalzas Reais de Valladolid dunha ampla colección de pintura toscana para decorar o novo claustro do convento en 1610. Entre elas este gran cadro que ten a Santa Margarida como tema. Nel contemplamos a santa, chea de luz e en expresión de arroubo, o dragón vencido  grazas ao crucifixo que Margarida sostén na man dereita e, en segundo plano, unha alusión á historia do seu martirio.

Outras obras de PIETRO SORRI
§  Morte de Santo Antón Abade (c. 1602), debuxo, Museo do Louvre
§  Santísima Trindade e  santos, (Sant'Agostino, Siena)
§  Virxe co Neno e  santos, (San Pietro a Vico, Lucca)
§  Cristo bendicindo, a Virxe, San Francisco e Santo Andrés (1605, San Francesco, Siena)
§  Cristo coroado de espiñas (1606, Monte dei Paschi di Siena, Siena)
§  San Xoán Evagelista (1610, Descalzas Reales, Valladolid)
§  Santa Margarida (1610, Descalzas Reales, Valladolid)
§  Martirio de Santa Lucía (1612-1613, Natività della Vergine, Campoligure)
§  Multiplicación dos pans e dos peixes (dibujo, Uffizi)
§  Frescos da cúpula da Certosa di Pavia, en colaboración con Alessandro Casolani