ASEMBLEA DIOCESANA O DÍA 22 DE SETEMBRO

Unha asemblea diocesana expresa a realidade da Igrexa local presidida polo bispo, sucesor dos apóstolos. Rodeado dos seus presbíteros, diáconos, consagrados e fieis leigos, o pastor diocesano reúne e manda acomo misioneiros a todos os alí reunidos. Estes expresan e manifestan  a alegría da fe, a oración e comuñón de todos con Cristo,  comprometidos no anuncio e testemuño do evanxeo. A Palabra de Deus segue sendo fundamento, razón e finalidade da acción evanxelizadora da igrexa diocesana. A Asemblea servirá de punto de proxección do novo curso pastoral 2012-13.