A parroquia

Somos a parroquia católica do barrio do mesmo nome na Coruña, España, arquidiocese de Santiago de Compostela. Estamos situados no tramo medio da Avenida de Fisterra e das rúas que a cruzan: Cidade de Lugo, Palomar, Paseo das Pontes, e os bloques de rúas en torno a Vista Alegre e mais ao viaducto da Ronda de Nelle, zona da Agra do Orzán ata a Gramela e Praza das Cunchiñas.

Pertencemos ao Arciprestado de Riazor na zona pastoral da Coruña. Estamos entre o Parque de Santa Margarida coa súa Casa das Ciencias e a zona verde do Paseo das Pontes. A nosa igrexa parroquial ubícase no número 156 da Avenida de Fisterra.

16 ago 2012

Preparando a festa patronal. Novena a Santa Margarida

Desde o día 17 de agosto e ata o 25, antes da Eucaristía das 9 da  mañá e das 19,30 da tarde, preparamos a festa da nosa santa padroeira rezando unidos a novena tradicional. Cada un dós días poñemos unha necesidade nas mans de Santa Margarida, conforme a seguinte relación:

- Día 17: polos nenos e pola mocidade da nosa parroquia.
- Día 18: Polos desempregados e necesitados.
- Día 19: Polas nosas familias e fogares.
- Día 20: Polas vocacións, laicais e ministeriais.
- Día 21: Polos inmigrantes e refuxiados.
- Día 22: Polas persoas maiores e enfermas.
- Día 23, aniversario XLIV da igrexa parroquial: pola comunidade parroquial.
- Día 24: Polos catequistas e educadores na fe.
- Día 25: por todos os voluntarios e colaboradores da acción pastoral da parroquia.

No hay comentarios:

Publicar un comentario