Bendición da casa, do coche, das terras, das ferramentas, etc.

      Todos os cristiáns teñen capacidade de bendicir, non ao xeito dos diáconos e presbíteros, pero si coa dignidade de quen, polo bautismo, é, á imaxe de Cristo, sacerdote, profeta e rei.

     Velaquí un modelo de oración para que o pai ou nai de familia renove na pascua a bendición da vivenda, do coche, das terras, etc.

      Deus e Pai noso, que nos dás a vida para sempre e nos agasallas cos dons da creación.

      Míranos con bondade e bendí (esta vivenda, este vehículo, estes campos, estas ferramentas...) .

      Concede a quen van facer uso deles dar gloria ao teu nome, ser no mundo testemuñas do teu Fillo Xesús e guiarse polo teu Espírito, de modo que, ao invocarte, nos concedas cumprir a túa vontade e gozar da saúde do corpo e da protección da alma.

      Por Xesucristo noso Señor.

      Amén.

     (Bótanse unhas pingas de auga bendita sobre a cousa que se bendí)

     A Bendición de Deus todopoderoso, Pai, Fillo, e Espírito Santo descenda sobre nós e nos acompañe sempre. Amén.

      (Remátase rezando todos xuntos o Nosopai)